Ата-аналық академиясы

Бағыттары мен мақсаттары:

• Ата-аналарға педагогикалық қолдау көрсету орталығы – ата-аналармен тиімді өзара әрекеттесу дағдыларын қалыптастыру және позитивті ата-аналық мәдениетін дамыту мақсатында қарым-қатынас жүргізу; айына 1 сабақ; ауыспалы топтар..

• Ата-аналар университеті – отбасылық тәрбие мәселелері бойынша ата-аналарды оқыту; бақытты баланы тәрбиелеу; саналы ата-аналықты дамыту; айына 2 сабақ; тұрақты тыңдаушылар құрамы.

• Сыныптан тыс іс-шаралар (отбасылық қонақжай, «Біз біргеміз» мерекесі, бірлескен ғылыми және шығармашылық жобалар фестивалі және т.б.)

Ата-аналарға педагогикалық қолдау көрсету орталығы

Педагогикалық қолдаудың мақсаты: балалардың әл-ауқатын қамтамасыз етуде мемлекеттiк орта бiлiм беру ұйымдары мен ата-аналардың өзара тиiмдi iс-қимылы үшiн жағдайларды қамтамасыз ету.

Ата-аналарға педагогикалық қолдау көрсетудің міндеттері:

1) балалардың әл-ауқатын қамтамасыз ету үшін ата-аналардың педагогикалық мәдениетін, психологиялық-педагогикалық және әлеуметтік құзыреттерін дамыту үшін ата-аналарға жүйелі педагогикалық қолдау көрсетуді ұйымдастыру;

2) балаларды тәрбиелеу мен дамытуда білім беру ұйымы мен отбасының өзара іс-қимылын күшейту;

3) отбасылық тәрбие процесінде ата-аналардың балалардың әл-ауқатын қамтамасыз етуге ынтасын арттыру.

Орталық қызметінің қағидаттары:

ұлттық мәдениетке, құндылықтар мен дәстүрлерге сүйену;

гуманистік бағыттылық;

ата-аналарды ағартуда саралау мен жекешелендіру тәсілдерін қолдану;

заманауи ғылым мен практиканың жетістіктерін пайдалану;

кең әлеуметтік әріптестік, білікті сарапшылар мен ресурстық ұйымдарды тарту.

Ата-аналарға педагогикалық қолдау көрсету орталығының (АПҚКО) қызметі

позитивті ата-аналық мәдениетін арттыру арқылы балалардың қауіпсіздігін, денсаулығын және психологиялық әл-ауқатын қамтамасыз етуге ықпал етеді*;

*Позитивті ата-аналық мәдениетінің мәні – баланы, оның қажеттіліктері мен сұраныстарын, мінез-құлқын терең түсінуде, жеке тұлғаның толыққанды дамуына қолайлы жағдай жасауға негізделеді. Позитивті ата-ана– бұл тәрбиенің балаға мейірімді қарым-қатынасқа, қолдауға, оның жеке әлеуетіне және ата-ана мен бала арасындағы ынтымақтастыққа негізделген стилі

балаларды тәрбиелеу мен дамыту мәселелерінде ата-аналар мен басқа да заңды өкілдердің құзыреттілігін қалыптастыруға бағытталған.

Ата-аналық академиясы

Ата-аналарға педагогикалық қолдау көрсету орталығы

АТА-АНАЛАР УНИВЕРСИТЕТІ

«ӨЗІҢДІ АДАМ ЕТІП ҚАЛЫПТАСТЫРУ»