Бұл бағдарламаның ерекшелігі неде?

Қазақ және ағылшын тілдерінде оқытуға арналған арнайы бағдарлама — Қазақстан мен Ұлыбританияның білім жүйелерінің тиімді үйлесімі. Бұл бағдарлама бойынша негізгі пәндер біртіндеп ағылшын тілінде оқытылады: 5-сыныпта сабақтардың шамамен 25-30%-ы ағылшын тілінде өтсе, жоғарғы сыныптарда бұл үлес 45-50%-ға дейін көбейеді. Математика сияқты маңызды пәндер де ағылшын тілінде жүргізіледі.

Тәрбиелік бағыт оқушылардың ұлттық құндылықтарды құрметтеп, ата-баба дәстүрі мен мәдени мұраға сыйластықпен қарауын қалыптастыруды көздейді. Бұл оқушылардың отансүйгіштік, азаматтық жауапкершілік және өз ұлтына деген мақтаныш сезімдерін дамытуға көмектеседі.

STEM бағыты (ғылым, технология, инженерия және математика) сыни және логикалық ойлау қабілеттерін, STEM бағыты (ғылым, технология, инженерия және математика) сыни және логикалық ойлау қабілеттерін, практикалық міндеттерді шешу дағдыларын дамытып, инновацияларға қызығушылықты арттырады. Бұл саладағы білім оқушыларды болашақта сұранысқа ие мамандықтарға дайындап, жоғары технологиялы экономика салалары үшін бәсекеге қабілетті кадрлар қалыптастырады.

Біз үшін ең маңыздысы – әр оқушыға қолайлы орта қалыптастыру. Мұндай орта баланың өзін еркін сезінуіне, жақсы оқуына және жеке қабілеттерін дамытуына мүмкіндік береді.